A Non-Profit Non-Commercial Public Service Initiative by Alka Vibhas   
झडल्या भेरी झडतो

झडल्या भेरी झडतो डंका
पुढचे पाऊल पुढेच टाका

तोंड लागले आज लढ्याला
चहूबाजूंनी येईल घाला
छातीवरती शस्‍त्रे झेला
फिरू नका रे डरू नका, डरू नका

शपथ तुम्हाला शिवरायाची
मराठमोळ्या मर्दुमकीची
समर्थ गुरु केसरी टिळकांची
विजयाच्या या ऐका हाका, ऐका हाका

निशाण अपुले उंच धरा
शूरपणाची शर्थ करा
कराच किंवा रणी मरा
बहाद्दरांनो मरणा जिंका, मरणा जिंका
भेर - मोठा नगारा. नौबत.

 

  मालती पांडे ( बर्वे ), सुधीर फडके