A Non-Profit Non-Commercial Public Service Initiative by Alka Vibhas   
झरा प्रीतीचा का असा

झरा प्रीतीचा का असा आटतो रे?
कशी काय बोलू गळा दाटतो रे !

तुझे लग्‍न झाले असे ऐकले मी
तुझे नाव तेव्हा दुरी टाकले मी
जिव्हाळा पुन्हा का तुझा वाटतो रे !

मिळे सागरासा पती त्या सतीला
मुळी डाग नाही तुझ्या इज्जतीला
उरी जाळ माझ्या उगा पेटतो रे !

जळे जीव जैसी वडी कापराची
अपेशी जिण्याला कळा ये धुराची
इमानास धोका कसा भेटतो रे !

 

Print option will come back soon