A Non-Profit Non-Commercial Public Service Initiative by Alka Vibhas   
झुळझुळे नदी ही बाई

झुळझुळे नदी ही बाई
देहलतेला शीतल करुनी आनंदाने गाई

पानफुलांनी तरुवर फुलती
पाण्यावरती तरंग झुलती
सुरेल मुरलीनादे घुमते ती अंब्याची राई

सुखात का ग खुपते काही?
श्याम सावळा भेटत नाही
राधेला का छळिती गोपी, कळत कसे ग नाही

या पाण्यावर हृदय उमलते
हृदयातुनि का गुपित उकलते
नको गुपित ते उकलाया ग, अबोलीच मी राही
तरुवर - तरू / झाड.
राई - अरण्य, झाडी / मोहरी.
लता (लतिका) - वेली.

 

  उषा मंगेशकर, मीना खडीकर