A Non-Profit Non-Commercial Public Service Initiative by Alka Vibhas   
झुलविले मला का सांग ना

झुलविले मला का सांग ना
करुनिया जिवाची वंचना?

ऐकण्यास नादमधुर
बोल तुझे गोड, चतुर
जीव सख्या होय अतुर
परि का जाशि तू निघुनी दूर
विरहिणी इथे ही अंगना

चंद्रमा नभांगणी
पसरवुनी मोहिनी
उमलविल्या मधु-नलिनी
परि का राहिलास लोपुनी
तुडवुनी हृदयीच्या बंधना?
नलिनी - कमळ.
वंचना - फसवणूक.

Please consider the environment before printing.
कागद वाचवा.
कृपया पर्यावरणाचा विचार करा.