A Non-Profit Non-Commercial Public Service Initiative by Alka Vibhas   
झुळूक आणखी एक

झुळूक आणखी एक,
आणखी एक पान गळले !

पानी फुलला सुमनी बहरला
माझ्या अंगणी जरी तरू वठला
शुष्क डहाळीत अंग मोडिती
कोंब नवे इवले !

चंद्रकोर अंगांगी भरली
दिन दिन कणकण उजळून खिरली
परि अवसेच्या प्रभात-ओटींत
सूर्यबिंब भरले !

खुशाल गळता, गळा दळांनो
हसत सरा माझिया क्षणांनो
बघे क्षणांच्या पानझडीत मी
अक्षयपण उमले !
गीत - वा. रा. कांत
संगीत - श्रीधर फडके
स्वर- श्रीधर फडके
गीत प्रकार - कविता
खिरते - गळते, पाझरते.