A Non-Profit Non-Commercial Public Service Initiative by Alka Vibhas   
जिवलगा

जग सारे इथे थांबले वाटते
भोवताली तरी चांदणे दाटते

मर्मबंधातल्या ह्या सारी बरसता
ऊन वाटेतले सावली भासते

ओघळे थेंब गाली सुखाचा
मिटे अंतर लपेटून घेता

तू माझा मीच तुझी सख्या
जिवलगा

ऐलही तूच अन्‌ पैलही तू सख्या
जिवलगा

मौन नात्यातले बोलते सारखे
शब्द माझेच आता मला पारखे

अंतरंगातले रंग हे शोधण्या
भेटलो एकमेकां मनासारखे

रोज दारावरी सांज ओथंबते
भोवताली तरी चांदणे दाटते

मर्मबंधातल्या ह्या सारी बरसता
ऊन वाटेतले सावली भासते

विरघळे बंध हळव्या मनाचा
रीते अंबर मिठीतून झरता

तूच हृदयातही तूच श्वासात या
जिवलगा

आजही ती जुनी हाक येते मला
जिवलगा
गीत - श्रीपाद अनंत जोशी
संगीत - निलेश मोहरीर
स्वर- आर्या आंबेकर, वैशाली सामंत, स्वप्‍नील बांदोडकर, हृषिकेश रानडे
गीत प्रकार - मालिका गीते
  
टीप -
• शीर्षक गीत, मालिका- जिवलगा, वाहिनी- स्टार प्रवाह.

 

  आर्या आंबेकर, वैशाली सामंत, स्वप्‍नील बांदोडकर, हृषिकेश रानडे