जो भारतीय तो तो, माझा स्वकीय आहे
मी भारतीय आहे

या भारतात माझ्या बहुसाल धर्म-जाती
गुंफी अनेकतेला ऐक्यात देशभक्ती
जो देशभक्त तो तो मज वंदनीय आहे
मी भारतीय आहे

बोली असोत नाना, माझा विरोध नाही
प्रीतीस कोणतीही भाषा अबोध नाही
जो सद्विचार तो तो मज रक्षणीय आहे
मी भारतीय आहे

येथे समाजवादी दृढ लोकराज्य आहे
श्रमदान कष्ट हे तो यज्ञात आज्य आहे
यज्ञात मानवांचे सुख प्रार्थनीय आहे
मी भारतीय आहे

माझ्यावरील माझा विश्वास गाढ आहे
माझीच मातृभूमी विश्वात वाढ आहे
शांती जगात नांदो, हे थोर ध्येय आहे
मी भारतीय आहे

(आज्य - तूप)

  संपूर्ण कविता / मूळ रचना