A Non-Profit Non-Commercial Public Service Initiative by Alka Vibhas   
जुळून येती रेशीमगाठी

मुक्याने बोलले, गीत ते जाहले
स्वप्‍नं साकारले पहाटे पाहिले
नाव नात्याला काय नवे?

वेगळे मांडले सोहळे तुजसाठी
मिळावे तुझे तुला आस ही ओठी
कोणी कुठे बांधल्या रेशीमगाठी?
जुळून येती रेशीमगाठी !
आपुल्या रेशीमगाठी !

उन्हाचे चांदणे उंबर्‍यात सांडले
डाव सोनेरी सुखाचे कुणी मांडले?
खेळ हा कालचा, आज कोण जिंकले?
हरवले कवडसे, मिळून ते शोधले
एकमेकांना काय हवे?

जे हवे सगळेच आणले तुजसाठी
कळावे तुझे तुला मी तुझ्यासाठी
कोणी कुठे बांधल्या रेशीमगाठी?
जुळून येती रेशीमगाठी !
आपुल्या रेशीमगाठी !
कवडसा - आडोश्याच्या आडून येणारी उन्हाची तिरीप.

 

Print option will come back soon
  स्वप्‍नील बांदोडकर, निहिरा जोशी-देशपांडे