A Non-Profit Non-Commercial Public Service Initiative by Alka Vibhas   
ज्योत दिव्याची मंद तेवते

ज्योत दिव्याची मंद तेवते
देवघरातील देवापाशी
मीरा नाचे कृष्णासाठी
चित्त रंगले कृष्णापाशी

स्वप्‍नी ऐकते मधुर बासरी
मीरा होते क्षणी बावरी
आणि मनाने धावत जाते
हितगुज करिते श्रीरंगाशी

पाषाणातही देव पाहिले
भजनी गायनी भान हरपले
उपहासाने जग तिज हसले
मीरा बोले तो अविनाशी

नयनी लपले रूप सावळे
अधरी सुकले शब्द कोवळे
त्या शब्दांतुन दर्शन घडले
मिठी मारली चरणापाशी

 

This 👇 player works on all android and iOS devices also
  आशा भोसले