A Non-Profit Non-Commercial Public Service Initiative by Alka Vibhas   
का चिंता करिसी प्राण्या

का चिंता करिसी प्राण्या का चिंता करिसी
नयनी गंगा हृदयी काशी का चिंता करिसी

दो पायावर रचतो सुंदर देहाचे जो मंगल देऊळ
तोच चालवी अपुले पाऊल का मागे बघसी

घर हे सुटता नाते तुटता जगही झाले जरी पारखे
सुखदु:खही रे तुला सारखे का डोळे पुससी

चंद्र हासरा गोड मुखाचा रसाळ वाणी अमृताची
प्रेमळ दृष्टी तुझ्या मनाची देव तुझ्यापाशी

 

This 👇 player works on all android and iOS devices also
  पं. हृदयनाथ मंगेशकर