A Non-Profit Non-Commercial Public Service Initiative by Alka Vibhas   
काय सांगों देवा ज्ञानोबाची

काय सांगों देवा ज्ञानोबाची ख्याती ।
वेद म्हैशामुखीं बोलविलें ॥१॥

कोठवरी वानूं याची स्वरूपस्थिती ।
चालविली भिंती मृत्तिकेची ॥२॥

अविद्या मायेचा लागों नेदी वारा ।
ऐसें जगदोद्धारें बोलविलें ॥३॥

नामा ह्मणे यांनीं तारीले पतीत ।
भक्ति केली ख्यात ज्ञानदेवें ॥४॥
नेदी - देत नाही.
मृत्तिका - माती.
वानणे - वाखाणणे. वर्णन करणे.

 

  गोविंद पोवळे, प्रभाकर नागवेकर