A Non-Profit Non-Commercial Public Service Initiative by Alka Vibhas   
कधी तू हसावे कधी तू

कधी तू हसावे कधी तू रुसावे
नको ग नको ग नको साजणी !

सखी प्रीत माझी तुला वाहिली
तुझी मूर्त डोळ्यांत मी पाहिली
नको हा बहाणा, अता दूर जा ना
नको ग नको ग नको साजणी !

कळी लाजरी ही फुलेना कशी
तिला भावना ही कळेना कशी
मुखी गोड भाषा, अशी ही निराशा
नको ग नको ग नको साजणी !

प्रिये राहसी तू मनी मानसी
जगावेगळी तू अशी प्रेयसी
मलाही कळावे, तुलाही जुळावे
नको ग नको ग नको साजणी !

 

  उषा मंगेशकर, रवींद्र साठे