कशी गौळण राधा बावरली
कशी गौळण राधा बावरली !
जलभरणा यमुना गेली
शीळ खुणेची अवचित आली
रोमांचित काया थरथरली !
कृष्ण सावळा गोरी राधा
कृष्णसख्याची जडली बाधा
कृष्णच नेत्री, कृष्णच गात्री
कृष्णात राधिका विरघळली !
लाजेचीही वसने फिटली
लोकांमधुनी राधा उठली
राधामोहन होता मीलन
हरिकांति तनूवर पांघरली !
जलभरणा यमुना गेली
शीळ खुणेची अवचित आली
रोमांचित काया थरथरली !
कृष्ण सावळा गोरी राधा
कृष्णसख्याची जडली बाधा
कृष्णच नेत्री, कृष्णच गात्री
कृष्णात राधिका विरघळली !
लाजेचीही वसने फिटली
लोकांमधुनी राधा उठली
राधामोहन होता मीलन
हरिकांति तनूवर पांघरली !
| गीत | - | शान्ता शेळके |
| संगीत | - | राम कदम |
| स्वर | - | सुमन कल्याणपूर |
| चित्रपट | - | एक गाव बारा भानगडी |
| राग / आधार राग | - | भैरवी |
| गीत प्रकार | - | चित्रगीत, हे श्यामसुंदर |
| गात्र | - | शरीराचा अवयव. |
| वसन | - | वस्त्र. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !