A Non-Profit Non-Commercial Public Service Initiative by Alka Vibhas   
कशी ही लाज गडे

कशी ही लाज गडे मुलखाची
ही वैरीण ग जन्माची

बोलू न देई येता कोणी
वरी उचले ना गडे पापणी
कसे बघावे सांग लोचनी प्रीतिभेट सुखाची

कशास द्यावा रुकार आधी
कळले मजला मी अपराधी
नका मनावर घेऊ अगदी भाषा नजरचुकांची

चुकुनी एकदा जुळल्या नजरा
भावफुलांचा गुंफित गजरा
चूकभूलही आता विसरा खंत न परिणामाची
गीत - राजा बढे
संगीत - श्रीनिवास खळे
स्वर- मालती पांडे
गीत प्रकार - भावगीत

Please consider the environment before printing.
कागद वाचवा.
कृपया पर्यावरणाचा विचार करा.