कशी संपली रात
कशी संपली रात !
कळेना, कशी संपली रात !
वीणा छेडित एक कराने
कुरवाळीत तव केश दुजाने
आताच ना मी बसले होते जयजयवंती गात !
चांद अभाळी कधी उगवला
कळले नाही कधी मावळला
चढत्या-ढळत्या स्वरलहरींच्या मादक आलापात !
गुपित लाडके गीतामधले
पुन्हा पुन्हा मी ओठी घोळिले
गाण्यातच त्या विसरून गेले दोघांतील एकान्त !
कळेना, कशी संपली रात !
वीणा छेडित एक कराने
कुरवाळीत तव केश दुजाने
आताच ना मी बसले होते जयजयवंती गात !
चांद अभाळी कधी उगवला
कळले नाही कधी मावळला
चढत्या-ढळत्या स्वरलहरींच्या मादक आलापात !
गुपित लाडके गीतामधले
पुन्हा पुन्हा मी ओठी घोळिले
गाण्यातच त्या विसरून गेले दोघांतील एकान्त !
| गीत | - | ग. दि. माडगूळकर |
| संगीत | - | व्ही. डी. अंभईकर |
| स्वर | - | कुमुदिनी पेडणेकर |
| गीत प्रकार | - | भावगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !