केतकीच्या बनी तिथे
केतकीच्या बनी तिथे नाचला ग मोर
गहिवरला मेघ नभी सोडला ग धीर
पापणीत साचले अंतरांत रंगले
प्रेमगीत माझिया मनामनात धुंदले
ओठांवरी भिजला ग आसावला सूर
भावफूल रात्रीच्या अंतरंगी डोलले
धुक्यांतुनी कुणी आज भावगीत बोलले
डोळियांत पाहिले कौमुदीत नाचले
स्वप्नरंग स्वप्नीच्या सुरासुरांत थांबले
झाडावरी दिसला ग भारला चकोर
गहिवरला मेघ नभी सोडला ग धीर
पापणीत साचले अंतरांत रंगले
प्रेमगीत माझिया मनामनात धुंदले
ओठांवरी भिजला ग आसावला सूर
भावफूल रात्रीच्या अंतरंगी डोलले
धुक्यांतुनी कुणी आज भावगीत बोलले
डोळियांत पाहिले कौमुदीत नाचले
स्वप्नरंग स्वप्नीच्या सुरासुरांत थांबले
झाडावरी दिसला ग भारला चकोर
| गीत | - | अशोक जी. परांजपे |
| संगीत | - | अशोक पत्की |
| स्वर | - | सुमन कल्याणपूर |
| राग / आधार राग | - | बागेश्री |
| गीत प्रकार | - | ऋतू बरवा, भावगीत |
| आसवणे | - | आतुर, उत्सुक, आशायुक्त. |
| कौमुदी | - | चांदणे. |
| चकोर | - | चांदणे हेच ज्याचे जीवन असा एक पक्षी. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !