A Non-Profit Non-Commercial Public Service Initiative by Alka Vibhas   
खांद्यावरी घोंगडी हातामध्ये

खांद्यावरी घोंगडी हातामध्ये काठी । घेउनिया चारीतसे धेनु सावळां ॥१॥

राधे तुझा मुकुंद मुरारी । वाजवि वेणू नानापरि ॥२॥

सकळ तीर्थें ज्याच्या चरणांवरी लोळती ।
तो ह्मणे राधिकेसी करीन मी तुझी वेणीफणी ॥३॥

एका जनार्दनी रचिले रासमंडळ । जिकडे पाहें तिकडे अवघें ब्रह्म कोंदले ॥४॥
कोंदणे - भरून जाणे.
धेनु - गाय.
वेणु - बासरी.