A Non-Profit Non-Commercial Public Service Initiative by Alka Vibhas   
खांद्यावरी घोंगडी हातामध्ये

खांद्यावरी घोंगडी हातामध्ये काठी । घेउनिया चारीतसे धेनु सांवळा ॥१॥

राधे तुझा मुकुंद मुरारी । वाजवि वेणू नानापरि ॥२॥

सकळ तीर्थें ज्याच्या चरणांवरी लोळती ।
तो ह्मणे राधिकेसी करीन मी तुझी वेणीफणी ॥३॥

एका जनार्दनीं रचिलें रासमंडळ । जिकडे पाहें तिकडे अवघें ब्रह्म कोंदलें ॥४॥
कांबळ - घोंगडी.
कोंदणे - भरून जाणे.
धेनु - गाय.
वेणु - बासरी.
मूळ रचना-

खांद्यावरी कांबळी हातामधीं काठी । चारीतसे धेनु सांवळा जगजेठी ॥१॥
राधे राधे राधे राधे मुकुंद मुरारी । वाजवितो वेणू कान्हा श्रीहरी ॥२॥
एकएक गौळणी एकएक गोपाळा । हातीं धरूनि नाचती रासमंडळा ॥३॥
एका जनार्दनीं रचिलें रासमंडळ । जिकडे पाहें तिकडे अवघें ब्रह्म कोंदलें ॥४॥

 

Print option will come back soon