A Non-Profit Non-Commercial Public Service Initiative by Alka Vibhas   
खेळ कुणाला दैवाचा कळला

खेळ कुणाला दैवाचा कळला?
मी असो, तू असो, हा असो, कुणी असो
दैवलेख ना कधी कुणा टळला !

जवळ असुनही कसा दुरावा?
भाव मनीचा कुणा कळावा?
खेळ कुणाला दैवाचा कळला?

हार कुणाची? जीत कुणाची?
झुंज चालली दोन मनांची
खेळ कुणाला दैवाचा कळला?

सौभाग्याला मिळे सहारा
मला न माहित कुठे किनारा
खेळ कुणाला दैवाचा कळला?