A Non-Profit Non-Commercial Public Service Initiative by Alka Vibhas   
खोडी माझी काढाल तर

खोडी माझी काढाल तर
अशी मारीन फाइट
घटकेमध्ये विरून जाईल
सारी तुमची ऐट !

अंगावरती याल तर
असा देइन ठोसा
कोपर्‍यात जाउन तुम्ही
रडत बसा !

बजरंग माझा भाऊ
भीम माझा काका
सांगुन ठेवतो पुन्हा माझ्या
वाटे जाऊ नका !

दंड माझे पाहा कसे
रोज दूध पितो
अंगामध्ये ताकद आहे
मग कोण भितो?
गीत- शान्‍ता शेळके
संगीत - मीना खडीकर
स्वर - योगेश खडीकर
गीत प्रकार - बालगीत