कुहु कुहु कुहु येई साद
कुहु कुहु कुहु येई साद
उधळित वनि स्वरतुषार
मधुर हे तराणे, ऋतुराज आज आला !
सुमनांचे रंग रंग ऋतु-रंगित झाले
गंधगीत रतिचंचल अवनीवर दरवळले
वारा भिरभिर हा तोडी बंध
विहगांचे अंतरंग मदमंथर झाले
स्वप्नशिल्प कलिकांच्या अधरावर थरथरले
सारे स्थिरचर बघ होई धुंद
उधळित वनि स्वरतुषार
मधुर हे तराणे, ऋतुराज आज आला !
सुमनांचे रंग रंग ऋतु-रंगित झाले
गंधगीत रतिचंचल अवनीवर दरवळले
वारा भिरभिर हा तोडी बंध
विहगांचे अंतरंग मदमंथर झाले
स्वप्नशिल्प कलिकांच्या अधरावर थरथरले
सारे स्थिरचर बघ होई धुंद
| गीत | - | वंदना विटणकर |
| संगीत | - | अनिल-अरुण |
| स्वर | - | अनुराधा पौडवाल |
| राग | - | मिया मल्हार |
| गीत प्रकार | - | भावगीत |
| अवनि | - | पृथ्वी. |
| मंथर | - | मंद, हळू चालणारा. |
| मद | - | उन्माद, कैफ |
| विहंग | - | विहग, पक्षी. |
| सुमन | - | फूल. |
दाद द्या अन् शुद्ध व्हा !