कुरवाळू का सखे मी
कुरवाळू का सखे मी हे केस रेशमाचे
झाले तुझी जिथे मी, भय कोणते? कशाचे?
का झाकितेस डोळे, का वेळतेस माना?
गुंफून पाच बोटे का रोखिसी करांना?
माझे मला न ठावे हे खेळ संभ्रमाचे
वार्यावरून येतो मधुगंध मोगर्याचा
तो गंध आज झाला निःश्वास भावनांचा
तुज शोभते शुभांगी, चातुर्य संयमाचे
एकान्त शांत आहे, दोन्ही मने मिळाली
प्रीती मनामनांची दोघांसही कळाली
जागेपणी सुखावे हे स्वप्न प्रेमिकांचे
झाले तुझी जिथे मी, भय कोणते? कशाचे?
का झाकितेस डोळे, का वेळतेस माना?
गुंफून पाच बोटे का रोखिसी करांना?
माझे मला न ठावे हे खेळ संभ्रमाचे
वार्यावरून येतो मधुगंध मोगर्याचा
तो गंध आज झाला निःश्वास भावनांचा
तुज शोभते शुभांगी, चातुर्य संयमाचे
एकान्त शांत आहे, दोन्ही मने मिळाली
प्रीती मनामनांची दोघांसही कळाली
जागेपणी सुखावे हे स्वप्न प्रेमिकांचे
| गीत | - | ग. दि. माडगूळकर |
| संगीत | - | सुधीर फडके |
| स्वर | - | आशा भोसले, सुधीर फडके |
| चित्रपट | - | बायको माहेरी जाते |
| गीत प्रकार | - | चित्रगीत, युगुलगीत |
| वेळावणे (वेळणे) | - | सैल सोडून हलविणे. |
दाद द्या अन् शुद्ध व्हा !