शेजबाज केली, उसा समई ठेवली
गुजबोल्यासाठी वाट राघूची पाहिली

कुटं तुमी गेला व्हता सांगा कारभारी?
कशी व्हती छबी तिची?
माझ्याहून प्यारी, माझ्याहून न्यारी !

राती चांद डोईवर आला
हिचा जीव कासावीस झाला

गळाभर मोती माझे अंग बाजूबंद
तरी कुन्या कोकिळेचा जडलाय छंद
ऐकते मी डोळे तिचे, पानइडा भारी !

कशासाठी येता अता? लाविते मी कडी
अर्ध्या रात्री येता मला होते झोपमोडी
नको आता लाडीगोडी, नको शिरजोरी !