लागती गे काळजाला तीर
लागती गे काळजाला तीर हे तेढे तुझे
आवळाया कंठ माझा नागिणी वेढे तुझे
बाई ग पुसतां पुसेना झाक ही गालावरी
काय ही किमया कळेना वाढते लाली तरी
सोडविताही सुटेना लाजरे कोडें तुझे
भाव मनिचें कोवळे कीं पारिजाताची फुलें
नाचता झेलावयातें मखमली ही पावलें
चालुं दे हृदयावरी या कथ्थकी तोडे तुझे
आवळाया कंठ माझा नागिणी वेढे तुझे
बाई ग पुसतां पुसेना झाक ही गालावरी
काय ही किमया कळेना वाढते लाली तरी
सोडविताही सुटेना लाजरे कोडें तुझे
भाव मनिचें कोवळे कीं पारिजाताची फुलें
नाचता झेलावयातें मखमली ही पावलें
चालुं दे हृदयावरी या कथ्थकी तोडे तुझे
गीत | - | राजा बढे |
संगीत | - | श्रीनिवास खळे |
स्वर | - | रतिलाल भावसार |
गीत प्रकार | - | भावगीत |
टीप - • काव्य रचना- २३ मे १९५१ |
Print option will come back soon