A Non-Profit Non-Commercial Public Service Initiative by Alka Vibhas   
लाविते ग सांजदिवा

मावळत्या किरणाचं पडे पाऊल दारात
झाली बाई सांजवेळ आल्या छाया अंगणात
परतला घरट्यात रानपाखरांचा थवा
लाविते ग सांजदिवा

चिमण्यांची चिंवचिंव येई गोड चिंचेतून
रुणुझुण वाजती ग संध्यादेवीचे पैंजण
जोजवितो मंद वारा अंकावरी बाळजिवा
लाविते ग सांजदिवा

इवले हे निरांजन उजळते वृंदावन
तुळशीमाई वाहते ग भावभक्तिने हे मन
जोडुनिया दोन्ही हात आळविते जीवाभावा
लाविते ग सांजदिवा

माझ्या सुखी संसारात तूच मला भरवसा
लपिन ग तुझ्या कुशी तुला आईचा वारसा
उन्हपावसात आई मला जिवाचा विसावा
लाविते ग सांजदिवा
गीत - राजा बढे
संगीत - स्‍नेहल भाटकर
स्वर- आशा भोसले
चित्रपट - या मालक
गीत प्रकार - चित्रगीत
अंक - मांडी.

 

Print option will come back soon