A Non-Profit Non-Commercial Public Service Initiative by Alka Vibhas   
माय-बाप सेवा पवित्र

माय-बाप सेवा पवित्र हे कर्म
हेचि महा पुण्य, हाच खरा धर्म

मन त्यांचे गंगाजळ, स्पर्श चंदन शीतळ
माया मोजता-मोजता थिटे पडते आभाळ
पावन चरण त्यांचे हेच चार धाम
हेचि महा पुण्य, हाच खरा धर्म

सेवा करता-करता पंचप्राणही अर्पावे
मरूनही त्यांच्या पोटी पुन्हापुन्हा जन्‍मा यावे
हेचि अपुल्या जन्‍माचे सार्थक उत्तम
हेचि महा पुण्य, हाच खरा धर्म

पिता विष्णू माता लक्ष्मी, पिता सांब माता गौरी
असा भक्तीभाव राहो सदा माझिया अंतरी
मायबाप दैवत हेचि वेद-शास्‍त्र-मर्म
हेचि महा पुण्य, हाच खरा धर्म
सांब - शंकर / भोळा मनुष्य.

 

This 👇 player works on all android and iOS devices also
  रवींद्र साठे