A Non-Profit Non-Commercial Public Service Initiative by Alka Vibhas   
मागण्यास आलो जे

मागण्यास आलो जे विसरुनि ते गेलो
पण हृदयी फुलवात उजळुनि मी गेलो

ओंजळ ही शब्दांची, मिटलेल्या पाकळ्या
अनिलात मनगुज हे विखरुनि मी गेलो

कोणता ऋतू नभी पाहिले न पाहिले
दृष्टभेट होताना बहरुनि मी गेलो

वचनांचे शपथांचे ओझेही सरलेले
हरवून मीपण हे लहरुनि मी गेलो
गीत - प्रवीण दवणे
संगीत - श्रीधर फडके
स्वर- आनंद भाटे
गीत प्रकार - भावगीत

 

Print option will come back soon