मज आवडले हे गाव
मज आवडले हे गाव !
नदी वाहती, घाट उतरते
तीरावरती गोधन चरते
हिरवी मळई जळा चुंबिते
इकडुन तिकडे तिकडून इकडे, खेपा करिते नाव
मज आवडले हे गाव !
चहू बाजूला निळसर डोंगर
मधे थिटुकले खेडे सुंदर
निंब, बाभळी, अंबा, उंबर
हलुनी डुलुनी सपर्ण फुलुनी, करिती शीतळ छांव
मज आवडले हे गाव !
घरे ठेंगणी, वळत्या वाटा
चावडीपुढचा रुंद चव्हाटा
राउळशिखरी उंच बावटा
भगव्या रंगे जगास सांगे वंशकुळाचे नाव
मज आवडले हे गाव !
नदी वाहती, घाट उतरते
तीरावरती गोधन चरते
हिरवी मळई जळा चुंबिते
इकडुन तिकडे तिकडून इकडे, खेपा करिते नाव
मज आवडले हे गाव !
चहू बाजूला निळसर डोंगर
मधे थिटुकले खेडे सुंदर
निंब, बाभळी, अंबा, उंबर
हलुनी डुलुनी सपर्ण फुलुनी, करिती शीतळ छांव
मज आवडले हे गाव !
घरे ठेंगणी, वळत्या वाटा
चावडीपुढचा रुंद चव्हाटा
राउळशिखरी उंच बावटा
भगव्या रंगे जगास सांगे वंशकुळाचे नाव
मज आवडले हे गाव !
| गीत | - | ग. दि. माडगूळकर |
| संगीत | - | वसंत पवार |
| स्वर | - | लता मंगेशकर |
| चित्रपट | - | गांठ पडली ठका ठका |
| गीत प्रकार | - | चित्रगीत |
| चव्हाटा | - | अड्डा, चार लोक जमून बसण्याची जागा. |
| चावडी | - | पंचायत कचेरी. |
| बावटा | - | ध्वज. |
| मळई | - | नदीच्या प्रवाहाने वाहून आणलेल्या गाळावरील शेती. |
| राऊळ | - | देऊळ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !