A Non-Profit Non-Commercial Public Service Initiative by Alka Vibhas   
मज सांग सखे तू सांग मला

मज सांग सखे तू सांग मला
पत्रात लिहू मी काय तुला?

चंद्रमुखी तू चांद म्हणू तर
प्रिये म्हणू का तुज घटकाभर
रूप तुझे गिरवीत निरंतर शब्द सुचेना काहि मला

किंचित हसर्‍या तव नजरेवर
लाज बावरी, रूप मनोहर
नजरानजरी मीही क्षणभर अर्थ मनीचा जाणियला

लिहिता लिहिता शब्द थांबती
लिहू नये तर कसली प्रीती
नाव सारखे ओठांवरती वेड लाविते जिवाला
गीत- रमेश अणावकर
संगीत - अनिल मोहिले
स्वर - अरुण दाते
गीत प्रकार - भावगीत