A Non-Profit Non-Commercial Public Service Initiative by Alka Vibhas   
माझा भाव तुझे चरणीं

माझा भाव तुझे चरणीं ।
तुझें रूप माझे नयनीं ॥१॥

सापडलों एकामेकां ।
जन्मोजन्मीं नोहे सुटका ॥२॥

त्वां मोडिली माझी माया ।
मी तो जडलों तुझिया पायां ॥३॥

त्वां मज मोकलिले विदेही ।
मी तुज घातले हृदयीं ॥४॥

नामा ह्मणे गा सुजाणा ।
सांग कोणे ठकविलें कोणा? ॥५॥
ठकविणे - फसविणे.
मोकलणे - पाठविणे / मोकळा सोडणे.
विदेहस्थिति - देहाचे भान विसरवणारी, मुक्त अशी अध्यात्मिक (ज्ञानी) अवस्था, निर्विकल्प.
मूळ स्वरुपात-

माझा भाव तुझे चरणीं । तुझें रूप माझे मनीं ॥१॥
सापडलों एकामेकां । जन्‍में नव्हेरे सुटिका ॥२॥
त्वां मज केलेंरे विदेही । म्यां तुज धरिलें हृदयीं ॥४॥
त्वां तोडिली माझी माया । मी जडलों तुझ्या पायां ॥३॥
नामा ह्मणे गा सुजाणा । सांग ठकिलें कोणकोणा? ॥५॥