A Non-Profit Non-Commercial Public Service Initiative by Alka Vibhas   
माझ्या कपाळीचं कुकु

माझ्या कपाळीचं कुकु
कवतिकानं किती बाई निरखू
जीव भरंना, भरंना, भरंना
खरं वाटंना, वाटंना, वाटंना

कुण्या जल्मीची पावली पुण्याई
झाली परसन आई अंबाबाई
चिरी कुकवाची लखलख निरखू

सुर्व्या सांजचा, चांद पुनवंचा
सर्गाची ग सोभा, दारी आनंद हुभा
चिरी कुकवाची लखलख निरखू

टाकीन वोवाळून हिरं, मोती, सोनं
पिरती मोलाचं कुकवाचं लेनं
चिरी कुकवाची लखलख निरखू
गीत- योगेश
संगीत - आनंदघन
स्वर - लता मंगेशकर
चित्रपट- तांबडी माती
गीत प्रकार - चित्रगीत
चिरी - बारीक रेघ / कुंकू.
जल्म - जन्म.

 

Random song suggestion
This 👇 player works on all android and iOS devices also
  लता मंगेशकर