A Non-Profit Non-Commercial Public Service Initiative by Alka Vibhas   
माझ्या रे प्रीतीफुला

माझ्या रे प्रीतीफुला, ठेवू मी कोठे तुला

मिरवू माथी का तुला मी, दगिना तू लाडका
दावू का ऐश्वर्य माझे उघड सार्‍या निंदका
काळजाचा कंद तू रे रंग डोळ्यांतला

अधीर हळवे दोन डोळे, पुष्पपात्रें ही निळी
ठेविसी तेथे फुला तू, फुलत जाते पाकळी
भोवताली गंध दाटे धुंद चैत्रातला

तूच नयनी तूच हृदयी, तूच असशी जीवनी
काळ जाई कळत नाही दिवस किंवा यामिनी
आणलासे काय संगे गंध स्वर्गातला
यामिनी - रात्र.

Please consider the environment before printing.
कागद वाचवा.
कृपया पर्यावरणाचा विचार करा.