A Non-Profit Non-Commercial Public Service Initiative by Alka Vibhas   
मला हो म्हणतात लवंगी

नाव-गाव कशाला पुसता, अहो मी आहे कोल्हापुरची
मला हो म्हणतात लवंगी मिरची

हा डौल झोक हा नटारंगीचा ढंग
वार्‍यावर लवते जशी चवळीची शेंग
हर घडीला नखरा नवा, डोळा हो डावा, झाकुनी फेकिन नजरेची बरची

हा लाल डाळिंबी शालु पदर जरतारी
ही हिरवी हिरवी चोळी तंग भरदारी
नका पाहू न्याहाळुन अशी, पडाल तुम्ही फशी, जणू मी नागीण झाडावरची

या तिखटपणावर जाऊ नका हुळहुळून
घायाळ शिकारी हरिणी जाईल पळून
हिरव्या रानात दिसते उठून, नका घेऊ खुडुन, अहो मी पाव्हणी बारा घरची