A Non-Profit Non-Commercial Public Service Initiative by Alka Vibhas   
मला इष्काचि इंगळी डसली

मी एकलीच निजले, रातीच्या अंधारात,
नको तिथंच पडला अवचित माझा हात
हाताखालती नांगा काढुन वैरिण ती बसली
ग बाई मला, इष्काचि इंगळी डसली
बाई ग, बाई ग

मारलि किंकाळी कळ ल‍इ आली
उरिं घामानं भिजली चोळी
अंगाअंगाची काहिली झाली
सांगा ही कळ कसली

सार्‍या घरात फिरले बाई ग
मला औशिद गावलं न्हाई ग
तंवर कुणाची चाहूल आली
खूण खुणेला पटली

ह्या इंगळीचा कळला इंगा
खुळ्यावानि मी घातला पिंगा
मंतर घाला हलकाहलका
नार चुकुन फसली
गीत- जगदीश खेबूडकर
संगीत - राम कदम
स्वर - उषा मंगेशकर
चित्रपट- पिंजरा
गीत प्रकार - चित्रगीत लावणी
काहिली - उकाडा / आग / तळमळ.

 

Random song suggestion
  उषा मंगेशकर