A Non-Profit Non-Commercial Public Service Initiative by Alka Vibhas   
मनावर एक अनामिक भूल

मनावर एक अनामिक भूल
हे माझे पहिले पहिले पाऊल

नव्या जगाच्या उंबरठ्यावर
थोडी आतुर थोडी कातर
सूर लागता विरेल सारे उदास आणि मलूल

चैतन्याने, विश्वासाने
गाईन मी जगण्याचे गाणे
बघता बघता उमलून येईल मधुर यशाचे फूल

सात स्वरांच्या हिंदोळ्यावर
झोके नेईन उंच दूरवर
वर्तमान उलगडे दरवळे, भविष्य दे चाहूल
गीत- सुधीर मोघे
संगीत - अशोक पत्की
स्वर - साधना सरगम
चित्रपट- सखी
गीत प्रकार - मना तुझे मनोगत चित्रगीत