A Non-Profit Non-Commercial Public Service Initiative by Alka Vibhas   
मीच मला पाहते आजच

मीच मला पाहते, पाहते आजच का?

असा मुलायम असा
देह तरी हा कसा?
माझा म्हणू तरी कसा?
हा डोह जणू की कृष्ण सावळा, मी त्याची राधिका!

काठावरले तरू
हळूच पाहते धरू
मोरपिशी पाखरू
मज आज गवसली माझ्या मधली सोन्याची द्वारका!

पदर असा फडफडे
नजर फिरे चहुकडे
नवल देखणे घडे
हा तरंग मागे-पुढे जळावर हलतो का सारखा?
गीत- आरती प्रभु
संगीत - दत्ता डावजेकर
स्वर - कृष्णा कल्ले
चित्रपट- यशोदा
गीत प्रकार - चित्रगीत