A Non-Profit Non-Commercial Public Service Initiative by Alka Vibhas   
म्हातारा इतुका न अवघें

म्हातारा इतुका न अवघें पाऊणशें वयमान ।
लग्‍ना अजुनि लहान ॥

दंताजीचें ठाणें उठलें, फुटले दोन्ही कान ।
डोळे रुसले कांहिं न बघती नन्‍ना म्हणते मान ।

तुरळक कोठें केस रुपेरी, डोईस टक्कल छान ।
भार वयाचा वाहुनि वाहुनि कंबर होय कमान ॥

काठीवांचुनि नेट न पाया परि मोठें अवसान ।
उसनी घेउनि ऐट चालतां काय दिसें तें ध्यान ॥
गीत- गो. ब. देवल
संगीत - गो. ब. देवल
स्वराविष्कार - हृषिकेश कामेरकर , श्रीरंग भावे
आशा भोसले
( गायकांची नावे कुठल्याही विशिष्ट क्रमाने दिलेली नाहीत. )
नाटक- संगीत शारदा
चाल-शांति धरा नृपराज
गीत प्रकार - नाट्यगीत
  
टीप -
• नाटकातील पदाची ध्वनीफित अनुपलब्ध.
• स्वर- श्रीरंग भावे, हृषिकेश कामेरकर, संगीत- कौशल इनामदार, चित्रपट- बालगंधर्व (२०११).
• स्वर- आशा भोसले, संगीत- शंकरराव कुलकर्णी, चित्रपट- शारदा (१९५१).

 

  हृषिकेश कामेरकर, श्रीरंग भावे
  आशा भोसले