A Non-Profit Non-Commercial Public Service Initiative by Alka Vibhas   
मी लता तू कल्पतरू

मी लता, तू कल्पतरू
संसार अपुला सुखी करू

सोन्याचा हा असे उंबरा
भाग्यवती मी तुझी इंदिरा
आले नाथा तुझ्या मंदिरा
अमृतघट ते इथे भरू

सुवासिनीचे कुंकू ल्याले
भाग्यवती मी आज जाहले
शतजन्माचे सार्थक झाले
वेल प्रीतिची ती बहरू

चरण पूजिते पतिदेवाचे
मरणहि येवो सौभाग्याचे
हेच मागणे भाग्यवतीचे
कधी न आपण जगी अंतरू
गीत- मधुसूदन कालेलकर
संगीत - राम कदम
स्वर - आशा भोसले
चित्रपट- एक धागा सुखाचा
राग- गारा
गीत प्रकार - चित्रगीत
इंदिरा - लक्ष्मी.
कल्पतरू - कल्पवृक्ष, इंद्रलोकांतील काल्पनिक वृक्ष. इच्छित वस्तू देतो अशी समजूत आहे.