उद्याचा कोण धरी
घोटापाठी घोट सुखाचा पिऊन घे राजसा
उद्याचा कोण धरी भरवसा !
एकच हसणे हसून चुकते वेलीवरची कळी
एकच उसळी घेऊन फुटती डोंगरलाटा जळी
एक रात्र ही त्या उंचीची, जवळ नशेचा शिसा
उद्याचा कोण धरी भरवसा !
फूलशेजेवर सुगंध रचतो मऊपणाचे थर
खिडकीमधुनी झुळूक उडवी चैत्राचे अत्तर
नको विजेचा दिवा सजणा, पडु दे चांदाचा कवडसा
उद्याचा कोण धरी भरवसा !
उद्याचा कोण धरी भरवसा !
एकच हसणे हसून चुकते वेलीवरची कळी
एकच उसळी घेऊन फुटती डोंगरलाटा जळी
एक रात्र ही त्या उंचीची, जवळ नशेचा शिसा
उद्याचा कोण धरी भरवसा !
फूलशेजेवर सुगंध रचतो मऊपणाचे थर
खिडकीमधुनी झुळूक उडवी चैत्राचे अत्तर
नको विजेचा दिवा सजणा, पडु दे चांदाचा कवडसा
उद्याचा कोण धरी भरवसा !
| गीत | - | ग. दि. माडगूळकर |
| संगीत | - | दत्ता डावजेकर |
| स्वर | - | आशा भोसले |
| चित्रपट | - | करावं तसं भरावं |
| गीत प्रकार | - | चित्रगीत |
| शेज | - | अंथरूण. |
| शिसा | - | मोठी बाटली. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !