A Non-Profit Non-Commercial Public Service Initiative by Alka Vibhas   
मी राधा मीच कृष्ण

मी राधा, मीच कृष्ण
एकरूप झालें

मी गोकूळ, मी यमुना
मीच गोप, व्रजललना
जसुमति मी, मीच नन्‍द
द्वैत तें निमाले

नवविकसित कमल मीच
पुष्पगंध मी विमल मीच
मीच पवन उपवनिं जो
मंद मंद चाले

मी मधुवन, मी मुरली
कुंजवनीं जी भरली
एक असुनि मी अनेक
वेश नटुनि आलें
उपवन - बाग, उद्यान.
विमल - स्वच्छ / निर्मल / पवित्र / पांढरा / सुंदर.

Please consider the environment before printing.
कागद वाचवा.
कृपया पर्यावरणाचा विचार करा.