A Non-Profit Non-Commercial Public Service Initiative by Alka Vibhas   
नाम घेता तुझे गोविंद

नाम घेता तुझे गोविंद
मनी वाहे भरुनी आनंद

हृषिकेशी बंन्सिबिहारी
गोकुळीचा कुंजविहारी
कुणी म्हणती कृष्ण-मुरारी
कुणी मिलिंद आणि मुकुंद

विश्वाचा नाथ म्हणोनी
हासते विश्व तव वदनी
तव नामे तुझिया चरणी
नाचते यमुनाजळ धुंद

तू शब्द ओळीओळीत
तू अर्थ मधुर गीतेत
तू ताल भक्तिगीतात
तू सुरासुरांत सुगंध
गीत - रमेश अणावकर
संगीत - वसंत प्रभु
स्वर- आशा भोसले
राग / आधार राग - अभोगी कानडा, बागेश्री
गीत प्रकार - हे श्यामसुंदर
कुंजविहारी - कृष्णाचे एक नाव.

Please consider the environment before printing.
कागद वाचवा.
कृपया पर्यावरणाचा विचार करा.