A Non-Profit Non-Commercial Public Service Initiative by Alka Vibhas   
नच सुंदरि करूं कोपा

नच सुंदरि करूं कोपा ।
मजवरि धरिं अनुकंपा ।
रागानें तव तनु ही पावत कशि कंपा ॥

नारी मज बहु असती ।
परि प्रीती तुजवरती ।
जाणसि हें तूं चित्तीं ।
मग कां ही अशि रीती ।
करिं मी कोठें वसती ।
तरि तव मूर्ती दिसती ।
प्रेमा तो मजवरिचा नेऊं नको लोपा ॥

करपाशीं या तनुला ।
बांधुनि करि शिक्षेला ।
धरुनीयां केशांला ।
दंतव्रण करि गाला ।
कुचभल्ली वक्षाला ।
टोंचुनि दुखवीं मजला ।
हाचि दंड योग्य असे सखये मत्पापा ॥
गीत- अण्णासाहेब किर्लोस्कर
संगीत - अण्णासाहेब किर्लोस्कर
स्वराविष्कार - छोटा गंधर्व
खाँसाहेब अब्दुल करीम खाँ
अजितकुमार कडकडे
( गायकांची नावे कुठल्याही विशिष्ट क्रमाने दिलेली नाहीत. )
नाटक- संगीत सौभद्र
राग- पिलू
ताल-दादरा
चाल-बिडोरंगा ह्यरळू
गीत प्रकार - नाट्यगीत

 

  छोटा गंधर्व
  खाँसाहेब अब्दुल करीम खाँ
  अजितकुमार कडकडे