A Non-Profit Non-Commercial Public Service Initiative by Alka Vibhas   
नका विचारू देव कसा

नका विचारू देव कसा
देव असे हो भाव तसा

सगूण कुणी म्हणती देवाला
कोणी म्हणती निर्गुण त्याला
विश्वरूप त्या परमेशाचा चराचराचर असे ठसा

रंग फुलांचा दिसे लोचना
मूर्ति प्रभुची तोषवि नयना
दिसे कधी का कुणास सांगा गंध फुलाचा मोहकसा

दर्पणास का रूप स्वत:चे
असती का आकार जलाचे
साक्षात्कार जसा तो दाखवि दिसेल त्याला प्रभू तसा
गीत- रा. ना. पवार
संगीत - दशरथ पुजारी
स्वर - माणिक वर्मा
गीत प्रकार - भक्तीगीत
तोष - आनंद.