A Non-Profit Non-Commercial Public Service Initiative by Alka Vibhas   
नको दूर देशी जाऊ

नको दूर देशी जाऊ सजणा!

हुरहुर करतो माझा जीव
न ये जरा तुजला कीव
सजणा, नको दूर देशी जाऊ सजणा!

समक्ष तुमच्या बसुनी तुम्हांसी
नाही आजवर भाषण केले
सजणा, लाजण्यामध्ये रे दिन गेले
सजणा, नको दूर देशी जाऊ सजणा!

मर्जी मिळाली असता अलीकडे
तुम्ही जाता टाकून वहिले
सजणा, वाटते जिवंत असुनि मी मेले
सजणा, नको दूर देशी जाऊ सजणा!