A Non-Profit Non-Commercial Public Service Initiative by Alka Vibhas   
नंदाघरी नंदनवन फुलले

नंदाघरी नंदनवन फुलले
बोल बोबडे श्रीरंगाचे गोकुळात घुमले

रिंगण घाली श्याम सावळा
बाळकृष्ण तो रांगत आला
हात धरुनी चालु लागला
पुढे पुढे ग पाऊल पडले

हात चिमुकला उंच नाचवी
छुमछुम वाळा मधुर वाजवी
स्वतः हासुनि जगास हसवी
कौतुक करते गोकुळ सगळे
या गाण्याबद्दल एक योगायोगाची गोष्ट सांगतो. या गाण्याच्या रेकॉर्डिंगनंतर चार-पाच वर्षांनी सुमन हेमाडी यांचं लग्‍न श्री. कल्याणपूर यांच्याशी झालं. त्यांच्या मिस्‍टरांचं नाव आहे 'नंदाजी'. नंदाशेठ म्हणून सगळेच त्यांना ओळखतात. सुमनताई कल्याणपूर त्यांच्या घरात गेल्या व त्यांच्या घराचे नंदनवन फुलले व घराचं गोकुळ झालं. त्यांचा संसार सुखाचा होईल असं भविष्य तर या गीतातून सांगितलं गेलं नसेल? या गीताकडे पाहण्याचा हा नवीन दृष्टिकोन.

सुमनताईंचे सहकार्य म्हणजे माझ्या दृष्टीने माझ्या संगीत कारकीर्दीतला सुवर्णकाळच म्हणावा लागेल.
(संपादित)

अजून त्या झुडुपांच्या मागे
संगीतकार दशरथ पुजारी यांचे आत्मकथन
शब्दांकन- वसंत वाळुंजकर
सौजन्य- आरती प्रकाशन, डोंबिवली

  इतर संदर्भ लेख