A Non-Profit Non-Commercial Public Service Initiative by Alka Vibhas   
निघाले असतील राजकुमार

निघाले असतील राजकुमार
पथ मिथिलेचे असतिल चुंबित कमळदळे हळुवार

कुठे पहाटे तृणांकुरांवर धुके पसरले असेल सुंदर
हिमरंगावर निळी पाउले उमटवित सुकुमार

कुठे तरूतळी सायंकाळी विसावेल ती मूर्त सावळी
तरूशाखांनी असेल केला तारासम झंकार

अंग थरथरे लवती लोचन समीप असतील श्री रघुनंदन
आज स्मराने हळू उघडिले आर्त मनाचे द्वार
तृण - गवत.
मिथिला - विदेह देशाची (जनक राजाची) राजधानी.

 

Random song suggestion
  आशा भोसले