A Non-Profit Non-Commercial Public Service Initiative by Alka Vibhas   
निरोप तुज देता ऊर्मिला मी

ऊर्मिला मी, निरोप तुज देता
जाउ नको तू वनीं या क्षणी, सांगु कसे नाथा?

पितृवचनी रामामागुनि
चरण चालती निश्चय करुनी
बंधुप्रेम हे गहिवरुनीया मीच स्वये पाहता
निरोप तुज देता, ऊर्मिला मी!

रघुवंशातिल ज्या पुरुषाला
देव म्हणोनि मी पूजियला
वीर धनुर्धर त्या वीराची असता पतिव्रता
निरोप तुज देता, ऊर्मिला मी!

मुग्ध मनाची वेडी माया
दु:ख झेलुनी झिजते काया
त्या झिजण्यातच शतजन्मीचे भाग्य मला लाभता
निरोप तुज देता, ऊर्मिला मी!
गीत- रमेश अणावकर
संगीत - दशरथ पुजारी
स्वर - सुमन कल्याणपूर
गीत प्रकार - भावगीत
स्वये - स्वत: