A Non-Profit Non-Commercial Public Service Initiative by Alka Vibhas   
निशिगंध तिच्या नजरेचा

निशिगंध तिच्या नजरेचा डोळ्यांत दरवळे माझ्या
चाहूल तिच्या प्रीतीची हृदयात दरवळे माझ्या

आभास सारखा होतो
ती आली.. येत असावी..
झंकार पैंजणांचा त्या, कानांत दरवळे माझ्या

ओठांनी ओठांवरती
मग लिहिली सुंदर गाणी
तो स्पर्श तिच्या श्वासांचा रक्तात दरवळे माझ्या

लाजून बिलगली मजला
हलकेच म्हणाली, 'सजणा'
अंकुर प्रीतीचा आपल्या स्वप्‍नांत दरवळे माझ्या

 

  एस्‌. पी. बालसुब्रमण्यम