A Non-Profit Non-Commercial Public Service Initiative by Alka Vibhas   
ओळखिले मी तुला नाथा

ओळखिले मी तुला नाथा, ओळखिले मी तुला
कुरूप सांवळ्या मूर्तिमधला देवपणा जाणिला

सौधावरती पडे चांदणे
अर्ध्या मिटल्या माझ्या नयने
टिपले कण ते अधीरपणाने
सतार अंकी घेउनिया तू अनुरागची छेडिला!

कला करी तव, उदारता मनि
भीती रमली अंति पूजनी
तव सहवासी मधु दिनरजनी
काल सुगंधित, देह सुगंधित, सुगंध उरि दाटला!

तुझ्यासारखा नाथ असावा
तुझ्या छातिवर घेत विसावा
उरलासुरला राग हसावा
ठसा मूर्तिचा तुझ्या सानसा पोटी मी गोपिला!
गीत- ग. दि. माडगूळकर
संगीत - सुधीर फडके
स्वर - आशा भोसले
चित्रपट- सौभाग्य
राग- बागेश्री
गीत प्रकार - चित्रगीत
अंक - मांडी.
अनुराग - प्रेम, निष्ठा.
गोपणे - लपविणे.
सान - लहान.
सौध - घरावरची / बंगल्यावरची गच्‍ची.