A Non-Profit Non-Commercial Public Service Initiative by Alka Vibhas   
पहा पहा काय सुंदर

पहा पहा काय सुंदर । दिसे शोभा वीर नरवर ।
नंदिकेश्वर पृष्ठीवर । आरुढला त्रिपुरांत कर हर ॥

हेमघंटा नाद घणघण । दोहिं भागीं सर्वही गण ।
नंदि भृंगी धरिति वेसण । उडविती वर छत्रचामरें ॥

शंख दुंदुभि डमरु वाजत । भूतांचा सरदार गाजत ।
आली स्वारी किती साजत । आज त्या बघतों नयनभरें ॥

नभीं दाटलीं सुर्विमानें । पहाया तुज संभ्रमानें ।
कुसुम वर्षति अती मानें । बलवंता हर्ष निर्भर ॥
दुंदुभि - नगारा, एक वाद्य.
हेम - सोने.
हर - शंकर.

 

Random song suggestion
  पं. वसंतराव देशपांडे, भार्गवराम आचरेकर