A Non-Profit Non-Commercial Public Service Initiative by Alka Vibhas   
राजा ललकारी अशी घे

राजा ललकारी अशी घे
हाक दिली साद मला दे

कुंकवाचा माझा धनी, बळ वाघाचं आलंया
भरलेल्या मोटंवानी मन भरून गेलंया
ओढ फुलाला वार्‍याची, जशी खूण इशार्‍याची
माझ्या सजणाला कळू दे

सूर भेटला सूराला, गाणं आलं तालावर
खुळ्या आनंदाचं माझ्या, हासू तुझ्या गालावर
भरजरीचा हिरवा शेला पांघरून नवा
शिवार हे सारं खुलू दे

थेंब नव्हं हे घामाचं, त्याचं बनतील मोती
घास देईल सुखाचा लई मायाळू ही माती
न्याहारीच्या वखुताला, घडीभर इसाव्याला
सावली ही संग मिळू दे
मोट - विहिरीतून पाणी काढण्याचे मोठे पात्र.
शिवार - शेत.

 

Print option will come back soon
  अनुराधा पौडवाल, सुरेश वाडकर